བཀའ་བརྒྱུད་སྨོན་ལམ་སྐབས་ལོ་བསྟར་ཆགས་སུ་དཔལ་༸རྒྱལ་དབང་ཀརྨ་པ་མཆོག་ནས་གཤིན་པོ་རྗེས་འཛིན་ཕྱིར་བྱང་སྲེག་མཛད་མུས་ཡིན་ཡང་། འདི་ལོ་ཨ་འཛིན་རིན་པོ་ཆེ་ནས་བྱང་སྲེག་མཛད་དགོས་པའི་བཀའ་ཕེབས་པ་བཞིན།  ཕྱི་ལོ་ ༢༠༡༨ ཟླ་ ༣ པའི་ ཚེས་ ༣ ཉིན། ཕྱི་དྲོ་ཆུ་ཚོད་ལྔ་པའི་ཐོག་དབུ་འཛུགས་ཀྱིས་སྲོད་ཀྱི་དུས་ཚོད་བརྒྱད་པའི་བར་ཡོངས་དགེ་གཏེར་སྒར་དགོན་གྱི་སྒོ་མཆོར་མདུན་དུ་སྔར་སྲོལ་ལྟར་ཨ་འཛིན་རིན་པོ་ཆེ་དབུ་བཞུགས་ཐོག་དེ་སྔ་མི་འཁྲུགས་པའི་བསྙེན་མཚམས་སུ་བཞུགས་ཟིན་པ་རྣམས་དང་ལྷན་དུ་དུས་ཡུན་ཆུ་ཚོད་གསུམ་ཙམ་རིང་མི་འཁྲུགས་པའི་ཆོ་ག་དང་འབྲེལ་བའི་སྒོ་ནས་སེམས་ཅན་ཚེ་ལས་འདས་ཚད་རྣམས་རྗེས་འཛིན་གྱི་ཐུགས་སྨོན་དྲག་པོ་དང་བཅས་དགོན་པའི་མདུན་ཕྱོགས་སུ་བྱང་ཤོག་སྲེག་པར་མཛད་བཞིན་པ།